♥°°·.¸.•° ‏ ♥ حــــــــــديثٌ مـــــــــــــن القـــــــــــــــلب ♥°°·.¸.•° ‏ ♥

السلام عليكنّ ورحمة الله وبركاته .

♥°°·.¸.•°♥°°·.¸.•° ‏ ♥ ‏ ♥ حــــــــــديث مـــــن الــــــــقلب ♥°°·.¸.•° ‏ ♥♥°°·.¸.•° ‏ ♥

أنتى
أيوه أنتى
تعالى اقعدى معانا
اقعدى اسمعى الحوار اللى دار بين سلمى وفرح
فرح : السلام عليكى ياسلمى
سلمى : وعليكى السلام يافرح
فرح : عامله ايه ياحبيبتى
سلمى : الحمد لله على كل حال
فرح : مالك شايفاكى حزينه وقاعدة لوحدك حد مزعلك
سلمى : لا محدش مزعلنى
فرح : أمال مالك حزينه ليه
سلمى : زعلانه على حالى
فرح : وماله حالك ياحبيبتى
سلمى : كل أصحابى أتجوزوا وبقوا أصحاب بيت وعيال اللى فى سنى واللى أصغر منى
وأنا قاعدة لوحدى سنى كبر وعمرى بيجرى ومفيش جواز
فرح : لا إله إلا الله هو دا اللى مخليكى حزينة قوى كده
سلمى : ليه هو أنتى شايفه دى حاجة بسيطة
ما أنتى حالك زى حالى مش متجوزة
فرح : أنا فعلاً حالى زى حالك من ناحية انى مش متجوزة
لكن فيه فرق بين حالتى وحالتك
سلمى : فرق ايه يافيلسوفه اتفلسفى ماأنتى كل حاجة بتتفلسفى فيها
فرح : اتريقى براحتك الفرق اللى بينى وبينك انى وأخده الأمر عادى
مش شايله هم الدنيا كلها على دماغى زيك
ايه يعنى الكل يتجوز وأنا لا
أكبر منى أصغر منى وماله أفرحلهم وأهنيهم وأدعيلهم ربنا يسعدهم ويهنيهم
مش أعمل زيك وأقعد لوحدى حزينة ومهمومة
سلمى : أنا بفرحلهم والله
بس كلام الناس ونظراتهم بتضايقنى
كل اللى يشوفنى يسألنى
اتخطبتى اتجوزتى
لو الواحده شافتك انهارده تسألك وتجى بكره تشوفك تسألك نفس السؤال محدش جالك
زهقت من أسئلتهم
فرح : كلام الناس هو اللى مضايقك
يابنتى الناس مش بيبطلوا كلام حتى لو اتجوزتى فاكرة انهم هيسبوكى فى
مخلفتيش مخوتيش عيالك
ياحبيبتى اللى يأخد بكلام الناس يتعب كبرى دماغك
سلمى : أنا نفسى أفرح
نفسى يبقالى بيت وزوج يحبنى ويعيشنى فى أمان
وأولاد يقولولى ياماما
نفسى أعيش الأمومة وأسمع كلمة ماما
فرح : ياحبيبتى زى ماأنتى بتتمنى بيت وزوج وأولاد أنا برضه بتمنى زيك
دا حلمى وحلمك وحلم كل بنت فى الدنيا تعيش الاستقرار النفسى بالزواج
سلمى : أيوه الزواج استقرار نفسى وزى ما بنسمع ظل راجل ولا ظل حيطة
فرح : كلامك كله صح
بس مش معناه اننا لو متجوزناش نكتم نفسنا ونعيش فى حزن
ليه منبصش لناس كتير حوالينا حالات مختلفة
اللى استعجلت الزواج وعاشت سنين فى عذاب وألم مع زوج مش بيتقى الله فيها
ومن سوء حالتهم بيقولوا ياريتنا مااتجوزنا وبيحسدونا على الحرية اللى احنا فيهما
سلمى : أكيد دول مااختاروش صح
فرح : وليه متقوليش انهم اتخدعوا بالمظاهر
بعض الرجاله بيبقوا زى الفل قبل الزواج ولما يتجوزوا بيتغيروا
سلمى : بس دا مش معناه ان كل الرجاله وحشين واننا نبطل نتجوز
فرح : لا ياحبيبتى أنا مقولتش كده طبعاً
أنا بقول نسبة منهم إلا من رحم الله
المهم اننا نحسن الاختيار نختار صاحب الدين
سلمى : أكيد طبعاً بس يجى
فرح : هههههههههههه
هيجى بإذن الله مستعجله على ايه
سلمى : نفسى أفرح يابنتى نفسى أفرح
فرح : طيب خلاص لحسن حد يسمعك الحيطان لها ودان ربنا يفرحك ياحبيبتى
سلمى : يارب يافرح يارب يفرحنا ويفرح كل بنات المسلمين
فرح :اللهم آمين
فرح : يابنتى ربنا كريم واللى مقدره هيكون
لو الزواج خير لك أسأل الله أن يعجله لكى
سلمى : يارب يافرح ولكى ياحبيبتى يارب
فرح : أنتى عارفة ياسلمى
أنا أعرف واحدة مدرسة مؤدبة ومحترمة جداً سنها كبر وأخواتها اتجوزوا وهى سنها كبر
وصلت الاربعين الناس كانوا بيتكلموا عنها
دى كبيرة ومحدش جايلها
ولما ربنا أراد بعتلها رزقها واتخطبت واتجوزت وربنا رزقها بأولاد
وغيرها كتير
سلمى : سبحان الله إنه على كل شئ قدير
فرح : وواحدة كمان وصلت لسن الخمسين وقالت خلاص فاتنى القطار
لكن ربنا بعتلها نصيبها واتجوزت وكانت فى قمة السعادة
سلمى : خمسين سنة واتجوزت سبحان ربى
فرح : خليكى متفاءلة ياسلمى لو لكى نصيب فى الزواج ربنا هيبعتهولك مهما كبر سنك
متقلقيش رزقك عند ربنا
سلمى : كلامك حلو قوى يافرح
داويتى جرحى
فعلاً فرح اسم على مسمى ربنا يفرحك ياأحلى فرح
فرح: آمين يارب يفرحنا وإياكى ياحبيبتى
سلمى : خلاص من دلوقتى مش هيهمنى كلام الناس ولازواج الأكبر منى ولا الأصغر هسيبها لله
"وَمَنْ يَتَّقِ اللَّهَ يَجْعَلْ لَهُ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا"
فرح : استغفرى كتير وادعى ربنا اطلبى كل اللى تتمنيه ربنا كريم
قال رسول الله صلى الله عليه وسلم:
"إن الله يستحي من عبده إذا رفع إليه يديه أن يردهما صفرا"
عن أبي هريرة رضي الله عنه قال : قال رسول الله صلى الله عليه و سلم : ( لا يزال يستجاب للعبد ما لم يدع بإثم أو قطيعة رحم ) رواه مسلم .
عن أبي هريرة رضي الله عنه قال : قال رسول الله صلى الله عليه و سلم : ( يستجاب لأحدكم ما لم يعجل ، يقول دعوت فلم يستجب لي ) رواه البخاري ومسلم .
"وَقَالَ رَبُّكُمُ ادْعُونِي أَسْتَجِبْ لَكُمْ"
"وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ "
وكل ما تقربى من ربنا أكتر كل ماقلبك هيرتاح ويطمئن أكتر
" الَّذِينَ آَمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلَا بِذِكْرِ اللَّهِ تَطْمَئِنُّ الْقُلُوبُ "
سلمى : صح الدعاء والتضرع إلى الله هو دا العلاج
علاج الحزن والهم اللى احنا فيه
عندك حق يافرح ندعى ربنا ونتوكل عليه وهو وحد هيقدرلنا اللى فيه صالح دينا ودنيانا
فرح : من اتكل على اختيار الله له لم يتمنى غير ما اختاره الله له
سلمى : أنا كنت فين من كل دا الحزن كان مخيم على عقلى
أشكرك من قلبى ياأجمل فرح
على نصيحتك الغالية ومساعدتك ليا لإخراجى من حالة الحزن اللى كنت فيها
فرح : لاشكر على واجب حبيبتى
النصيحة دى مكنتش لكى لوحدك
دى كانت لكى وليا ولكل اللى قاعدين معانا وسامعين حوارنا
وأتمنى أن الراحة اللى أنتى حسيتى بها بعد كلامى يكون حس بها كل حبايبنا اللى معانا
سلمى : أكيد طبعاً كلامك ريحهم زى ما ريحنى
ربنا يريح قلبك زى ما ريحتى قلوبنا
فرح : اللهم آمين ربنا يرزقك وكل بنات المسلمين بأزواج صالحين يتقوا الله فيكم
سلمى : آمين يارب آمين

♥°°·.¸.•° ‏ ♥ حــــــــــديثٌ مـــــــــــــن القـــــــــــــــلب ♥°°·.¸.•° ‏ ♥ 270728_156705434467136_340343501_n

♥°°·.¸.•° ‏ ♥ حــــــــــديثٌ مـــــــــــــن القـــــــــــــــلب ♥°°·.¸.•° ‏ ♥ 270728_156705434467136_340343501_n

♥°°·.¸.•° ‏ ♥ حــــــــــديثٌ مـــــــــــــن القـــــــــــــــلب ♥°°·.¸.•° ‏ ♥ 422953_156703517800661_1085112511_n

َمَنْ يَتَّقِ اللَّهَ يَجْعَلْ لَهُ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا"

تمام رغد امتى العالم تحس وتفهم كل شيء نصيب

سلمت الايادي رغد وجعله الله في ميزان حسناتك وتقبلي مروري