موضوع تناول الكثير من الجدل (الزواج العرفي!!!)

في موضوع نفسي اتناقش معاكم فيه
بنات وشباب المنتدى طبعا
موضوع الزواج العرفي)

أكيد الموضوع ده يهم البنات والشباب كمان علشان
وهسأل قمرات المنتدى بتوعنا سؤال مهم أوى
لو كنتى بتحبى واحد أووووووووى لدرجة يعنى مفيش حد يقدر يوصفها
وفجأة قالك أنا على تكاليف الجواز وظرفي المادية مش تسمح و.............. الخ.
وانتى كنتى مصدقاه أوى وعارفة كمان أن كلامه صح هل هتوافقي بده؟وسؤال مهم بردو للشباب الجميل الموجود معانا هنا في المنتدى
لو انت بدأت تحس أنك خلاص كبرت ولازم تتجوز وفي بنت بردو بتعشقها وعايزها تكمل معاك مشوار حيات كوشايف ان ظروفك مش تسمح هل هتفكر في الزواج العرفي؟

أنا معايا هنا احصائيات غير رسمية لنسبة الزواج العرفي في الجامعات المصرية وصلت تقريبا ل 6% من مجموع الطالبات المصريات.
إلا أن وزارة العدل المصرية ذكرت مؤخراً أن هناك ما يقرب من ثلاثة عشر ألف قضية إثبات بنوة تنظر فيها المحاكم المصرية- أكثر من سبعين بالمئة منها نتيجة للزواج العرفي.

ده غير حاجة بقى مهمة جدا ممكن البعض يستغربلها
بعد سنوات من الجدل..
مجمع الفقه الإسلامي يجيز "الزواج العرفي" !!

بعد التزايد الملاحظ لظاهرة الزواج العرفي في المجتمع المصري، وأخذه العديد من الصور ، وما يترتب عليه من مخاطر تؤدي باستقرار الأسرة ومن ثم هدم المجتمع ، وانتشار الرذيلة.


قرر مجمع البحوث الإسلامية ، برئاسة شيخ الأزهر الشيخ محمد سيد طنطاوي ، مناقشة الزواج العرفي وما يسمي بزواج المسيار ليعلن رأي واضح ومفصل حيال هذه الظاهرة ، خصوصاً بعد أن زادت أعداد الكتب التى تناولت هذه الظاهرة مطلقة عليه أحكام واهية دون إسناد من اجل جذب الشباب ، ويأتي على راس هذه الكتب كتاب انتشر في الأسواق مؤخراً تحت عنوان " الزواج العرفي حلال حلال " والذي كان معروضا بمعرض القاهرة الدولى للكتاب .


طب يا ترى هو حلال فعلا ولا لا؟
غلط ولا صح؟
ولو غلط ليه في بنات بتوافق على كده رغم ان هى بتبقى عارفة مشاكله؟

أتمنى مشاركتكم....ومستنية أرائكم ووجهات نظركم

وماله يا بيضه نتقاش عسل عسل بس ياريت تستحملى


انا من قمرات المنتدى يلهوى لاء دى بتسال البنات فى كلمه عند سؤالك لبنات ان كنتى مصدقاة

شوفى يا عروسه المولد الحب احساس ومشاعر قبل ما يكون رغبه فى بيت وعيال ودى فى الاخر حتى انك مش مصدقه معناة ان الحب مش كامل
ارد بقا على السؤال بتاعى الشباب الجميل اللى انا منه
من معانى الحب عندى وانا جابتى عن اقتناع منى انا المحافظه على شريكه حياتى وان كرامتها من كرامتى
وانا مش هااقبل لاختى حتى لو حبت بكل المعانى انها ترتبط بحبيها بجواز تحت بيئر السلم


6 فى الميه
دى مش النسبه الحقيقيه فى الجواز العرفى فى الجماعات
اكتر بكتير
ودى ليها حاجات كتير
منهم التربيه السليمه للبنت ومنها شاطرة الواد ونسيان ان البنت دى ممكن تكون اخته وهل يقبل على نفسه يحط اخته مكان البنت دى
موضوع كبير كبير يا ساتر
عموما ربنا يستر عرضكم ويحمكيم ويصلح حالكم وحال امه محمد كلها تحياتى ياام لسان طويل