اعلان ابلة فاهيتا ..فودافون المثير للجدل

نشطاء يتداولون تحليلات لاعلان ابلة فاهيتا الجديد

التفسير الاول
—-شجرة الكرسماس :مش شجرة كريسماس خشجر الكريسماس بيبقي مثلث وأخضر ×دي شجرة صبار امريكي من الضخم .. يعني انهم عايزينها في مصر مر ذي الصبار الامريكي لاقدر الله وعليها نور شبه الدم احمر ونفس الكحاية بيكون في الآخر لون الدم بدل لون فودافون في المثلث اللي في الاخر
—–فكيتي .. يعني الفلوس والتمويل هيجيلوهم ويفكوا من اللي عندهم ويصرفوا ببذخ ..
–فيه كلامين وصوتين في نفس الوقت صوت الملعونة فهيتا وصوت حلقة بتاع كلام نواعم :يعني الكلام يكون للبنات اكتر بتوعهم والمسكنة وخلافه ..
—كلام مفيدة في الخلفية والطباخ مليان اشارات لشرا المواد اللي بتعمل المتفجرات .. ومن ضمنها الزبدة وبتستخدم في صناعة المتفجرات بخلطه معينة .<كما في فيلم wanted لانجلينا جولي اللي استخدم فيه تفخيخ الفران عن طريق خلطه من ضمنها الزبده>.
وكمان ذي …استغلال الوقت .. *انا معاكي بس في الآخر*..ونقدر نشتريها برضه كده من عشرة ل15 كيلو .يعني المتفجرات من مواد عادية ممكن تشري زي ماقلنا الزبدة من ضمنها وبرده الفستق وممكن تكون الخلطه اللي بيوصفها الشيف لو اتوصل لها مفجر اللي الانجليز هيدخلوه في حقائبهم الديبلوماسية ومفتاحها كلمة فريزر ..تذكير بحملة فريزر ..وتكون بحجم 10/15 كيلو “”"كل المصريين “”"يعني التفجيرا في الكل مش في الشرطة والجيش بس .
—-.الديك المحشي ..وكيكة الكرسماس يعني متفجرات الكريسماس لانهم بيقولوا علي القنابل الكعك زي مثلا القنبلة النووية بيقولوا علي اليورانيوم اليليو كيكyellow cake او “الكعكة الصفراء” .. يعني التفجيرات في الكريسماس .. وطي التليفزيونة .. يعني استهداف التليفزيون والاعلاميين المحترمين .ماما توتو . تركيا وطقم سنانها وقع يعني اتكشفت واتفضحت ومش فاضيالكم بأنشغالها بالفضايح والفساد وبالأصح المخابرات المصرية فضحتها . واحتمال والطقم اتجمد في الكباية ومسستنينه يفك يعني ممكن يتغلب علي المعارضة ومنتظرين …ديلسيبس.. يعني عمل اعمال في القناة ..قناة السويس .. و..وفريزير ..يعني الانجليز معاكم …
…والعلامة بتاعة رابعة علي رقبتها …
—-الكلب البوليسي قالت تديلة فلوس لصاحبه يعني الخونة في الشرطة اللي مرسي رجعهم اللي كانوا متحالين للصلاحية ومرفودين ومن ضمنهم مثلا اللي تسبب في اغتيال العقيد مبروك ظابط امن الدولة … ويهدك بعدها يعنوا هو الداخلية اللي فيها البوليس ….
وممكن الاستعانة بالسكيورتي اللي …بياخد نسبة… “بلاك وتر مثلا اوي شركة مخابرات بتتاجر لعمل التفجيرات …
“فتشتي البلطو البيج “يعني لون الجيش ..”" فتأتي بطانته “”يعني اغتالوا البطانة اللي حواليهم – أهلهم او القادة الاصغر او اخترقوهم و”"عضعضتي ياقته “”يعني اخنقوههم وحاصروهم …..
—-الشيخ القلوسي … يعني شيوخ يقلسوا علي الجيش ويلقحوا عليهم زي ويعملوا رأي عام . —اللي اتمنعوا من الخطابة في الجوامع حسان وعمرو خالد والشيوخ الجهلة اللي شبههم ..
—.يبعت للمرحوم يطلعلي .. يعني يقوموا الراي اللي ضد الجيش ويقوموه تاني والناس الجهلة الللي بيمشوا وراهم .. وبتقول ..
—-”"يخليهولي حريص طول عمره حريص”" يعني خليكم حرصاء وبلاش غباء وفضايح …
—– صهد نار يعني خلوا البلد نار او جهنم لان جوزها في جهنم
—–..ودوري في رف الببلوهات ..يعني الببلاوي معاكم استغلوه لأقصي درجة والتفجيرات بالشرايح والموبايلات واللي احتمال يدخلهم المفجرات الانجليز عن طرق الحقائب الديبلوماسية لما قالت فريزر .
——..يهدك…يعني هدوا البلد والاقتصاد بذكر المحفظة وكونوا متخفيين بذكر..طقم الدراكولا .. يا اما بيطلبوا منهم التخفي او ظهور البلاك بلوك او يتخفوا فيهم واظن الكل عارف ان الدراكولا مصاص الدماء يعني عايزين دم
لدرجة الشرب …
—– والكتاب عنوانه متخفي ومكتوب بدلة بنت الايه بس فوق العنوان مكتوب *من الادب الساخر * يعني ممكن نلاقي الساخر باسم يوسف اللي جاب وقدم فهيتا اول مرة بيطلع تاني وبيسخر من الجيش والشرطه ….
اما التفسير الثانى
1- في اول لقطه بتظهر شجرة الكريسماس و عليها حرف A بيشير للاناركيين و افتعال فوضى وفي كوره حمراء في الناحيه التانيه بترمز لقنبله او تفجير هيحصل في يوم الكريسماس .
2- فاهيتا بتقول ” فكيتي فريزر يا بطه فريزر بيقولوا السائعه دي ماتشفتش من ايام الدليسبس ”
فاهيتا بتمثل جماعة الاخوان او الشخص اللي بيدير التفجيرات اللي بتحصل
” السائعه ” بتمثل الاحداث اللي بتحصل لجماعة الاخوان وانها محصلتش من ايام “الدليسبس” الدليسبس المقصود بيه جمال عبد الناصر بما انه صاحب قرار تاميم القناه وهو اللي كان بيحط الاخوان في السجون .
3- ظهرت كارو بعد مكانت بتدور على الشريحه ؛ والشريحه في الاعلان بترمز لادلة ادانة مرسي وتورطه مع امريكا في قضية التخابر ؛ وفاهيتا بتقولها “فتشتي البلطو البيج” واللي بيرمز للجيش او المخابرات ؛ وبعدين بتقولها “روحي دوري في رف الببلوهات ” المقصود بيها وزراء حكومة الببلاوي اللي عينها البرادعي بمعنى اصح بتقولها شوفيهم قدروا يوصلوا لمكان الادله ولا لاء ؛ وبعدين كارو بتهمس وبتقول “بودي كل شريحه” بودي تقصد بيه الببلاوي على حسب تويته لكارو كانت بتقول “بودي عمل قانون تظاهر على روحه” يعني الببلاوي عمل قانون التظاهر مجبر بسبب الضغط اللي كان عليه من وزير الداخليه . اما “بودي كل شريحه” فتقصد بيها محاولة بودي لاخفاء ادلة ادانة مرسي .
4- فاهيتا بتقول “دي كركوره بتبرطم على شريحة المرحوم مش لقياها ؛ شريحته من قبل ما يبقى مرحوم” كلمة المرحوم بتشير لمرسي لانهم هيحاولوا يغتالوه علشان يبقى الشراره اللي هتعمل 25 يناير 2014 و بالمره يمنعوا محاكمته وميتفضحوش ؛ اما شريحته فزي ما قولنا انها ادلة ادانة في الغالب هو مستند بيدل على اتفاق حصل بين مرسي او الاخوان وامريكا . وبعدين بتقول “عليها اوفر وهدايا” واضح ان في مكافأه لو توصلوا للشريحه او الادله .
5- فاهيتا بتقول “الشيخ الالوسي” ودا شيخ في العراق واستخدام اسمه هنا بيرمز لعناصر من القاعده ؛ لان القاعده حاليا متوطنه في العراق .. ” وبتقول كلمته يبعت للمرحوم يطلعله ” لما هيطلع المرحوم (مرسي) من السجن وهو في طريقه للمحاكمه هيتم هجوم بعناصر انتحاريه على موكب نقله او هيتم استهدافه بعمليه انتحاريه او سياره مفخخه لانها قالت في الجمله اللي بعدها “على طول جالي في المنام عرقان ومهبط وبيقولي انتوا بردانين ليه دا الجو صهد نار” وده معناه ان المرحوم تم تفجيره علشان كدا حاسس بالجو صهد نار . وبعدين بتقول “لاء شدوه قبل ما يقولي دافس الشريحه فين” شدوه يعني حبسوه من غير ما يعرفها مكان الادله اللي بالتاكيد تم ضبطها.
6- وبعدين بتقول “ريكس بوليسي بيجي يشمشم ويطلعلك الضايع وبياخد نسبه” وده ان دل فهو بيدل على اختراق امني في الداخليه وشوفنا نفس الموضوع حصل لما تم اغتيال محمد مبروك الضابط المسؤل عن قضية هروب مرسي من وادي النطرون فاكيد تم دفع رشوه لذوي النفوس الضعيفه وده المقصود ب “بياخد نسبه” ؛ وبعدين بتقول ” دورلي في كل حته بس طلعلي فردة صندل كانت ضايعه و ده في الغالب بيشير لحادث اغتيال الضابط محمد مبروك.
7- فاهيتا بتقولها ” فتشتي في لكلوكه الاسمر ” و دي ممكن تشير للشرطه ؛ “طيب محفظة الكروكوديلا ” ممكن ترمز لمنزل او مكتب و زير الداخليه ؛ ” مخبيها في الطقم الدراكولا” ممكن ترمز للامن الوطني ..
وفي نهاية المشهد اتظللت شجرة الكريسماس باللون الاحمر و اللي بيشير للدم ولضحايا التفجير اللي ممكن يحصل في احد الكنائس في احتفال رأس السنه الميلاديه.

الاعلان غريب اوي بصراحه
وده الفيديو

» فودافون تؤكد قطع الاتصالات بمصر
» فصول دستور المغرب المثيرة للجدل
» كالعادة الرجاء يحسم الديربي المثير لصالحه
» سري | تسريب اجتماع القوى المدنية لمناقشة القضاء على التيار الاسلامي و اعلان الدولة العلمانية في مصر
» تعليق محمد هنيدي على سقطات القاضى #صليب فى بيان اعلان نتيجه تزوير الاستفتاء