نكمل موضوع حازم وأميرة
والد حازم رجع من الشغل وحازم بيكلم والدتة علشان تفاتح الوالد فى موضوع جوازة من اميرة
تعالول نشوف اية اللى حصل
ع فكرة هو المفروض اكون ع مراحل بس لقلة الاعضاء نزلتو ورا بعض
حازم/ عملتى اية كلمتية ؟
الام / فى اية ؟
حازم/ تانى ياحجة هو انا مش قعدت افهمك
الام / اة موضوع جوازك من بطة بنت اختى ؟
حازم / تانى تانى
مش قولنا انسى موضوع بطة دة انا بتكلم عن اميرة
الام / اميرة مين ؟
اة بتاعة الكمبيوتر ؟
حازم/ ما انتى فاكرة اهو
يلا بقى خشى كلمية
الام / طيب طيب
بكرة نشوف ست الحسن والجمال
ودخلت تكلم الوالد وحازم بيتصنت على الباب
الام / بقولك اية ياحج ؟
الأب / اية ؟
الام / حازم ابنك عاوز يفاتحك فى موضوع جوازة
الأب/ تانى الموضوع دة مش قولنا بلاش حكاية بنت اختك دى
حازم فى سرة / الحمد لله
الام / لا مش بطة دة حاطط عينه على واحدة تانية
الاب/ طبعا ابن ابوة بصحيح اكيد حاطط عينة على نورة بنت عمة
حازم فى سرة / يانهار أزرق
الام / نورة ؟
ودى تيجى ايةجنب فاطمة بنت اختى ؟
دى بطة برقابتها
الاب / بطة اية و وزة اية ؟
بطة دى تدبحيها فى العيد مش تجوزيها لابنك
حازم فى سرة / وبعدين بقى هيقعدوا يتخنقوا كدة ويسيبوا الموضوع بتاعى خالص
الاب / و المحروس بتاعك عاوز يتجوز مين بقى ان شاء الله؟
الام / دى بت اسمها شيماء طلعتلوا من الكمبيوتر
حازم فى سرة / اميرة اميرة وبعدين اية طلعتلوا دى ؟ هى عفريتة ؟
الاب / طلعتلوا منين؟ ناديهولى الفالح ابن الفالحة
ودخل حازم يكلم والدة
حازم / ايوة ياحج
الاب / اية يابنى الكلام الاهبل دة كمبيوتر اية اللى طلعتلك منة دة ؟
حازم / يا حج دى لاطلعت ولانزلت
دى زميلتى فى المنتدى واسمها اميرة
الاب / زميلتك فين ؟
حازم / تانى ؟
المنتدى دة مكان على النت بنتجمع فية وبنكتب مواضيع كتير مع بعض فى السياسة فى الفن فى الشعر وكدة
الاب / وانت اية اللى خلاك تتكلم فى السياسة احنا ناقصين
حازم / ماشى ياحج مش هكتب تانى فى السياسة وهخليها هى كمان متكتبش بس جوزهالى
الاب / هى بتكتب فى السياسة
لية هى صحفية ؟
حازم \ لا ياحج دى لسة طالبة دى بتكتب فى المنتدى
الاب \ يابنى كلمنى عربى متدى اية بس ؟
حازم / قصدى على النت ياحج
وبعدين انا معجب بيها أوى وبأفكارها ومواضيعها
تصدق ياحج انها عضوة سوبر وانا لسة عضو نشيط
الاب / سوبر ؟
نهارك ازرق هى بتشرب سجاير ؟
وهتلاقيها شربتك سجاير ياشملول
حازم / عضوة سوبر ياحج مش سجاير سوبر يعنى بتشارك بردود كتير فى المنتدى
الاب / يابنى انا بتعصب لما بسمع متدى دى
وبعدين انت مستعجل لية ؟ مش لما تعرفها كويس ؟
حازم / ياحج انا اعرف عنها كل حاجة
اسمها اميرة على
عضوة سوبر من عيلة محترمة والاسم الرمزى قمر الليل
الاب / رمزى ؟ رمزى مين وقمر مين ؟
انت هتزحم لنا الشقة لية يابنى ؟
حازم / ياحج لازحمة ولا حاجة عاوزين نروح نكلم اهلها بقى
الاب / مع انى مش فاهم حاجة بس خلينى وراك نروح نقابلهم
جرى حازم على الكمبيوتر وطلب من اميرة على الياهو انها تحدد
ميعاد مع اهلها
.................................................
دة كان رد فعل اهل حازم
الجمعة أغسطس 09, 2024 11:00 pm من طرف 
