خاطب بنت مثقفة جدا جدا جدا

خاطب بنت مثقفة جدا جدا جدا

لؤى : حبيبتي انتي النهاردة حلوة اوي بجد زي القمر

جانا : قمر انت بتقول قمر انت اتجننت انت متعرفش ان القمر دة كله نتؤات و مرتفعات و ان نصفه مظلم و ان كمان جاذبيته سدس جاذبية الارض يعني انت قصدك تقول اني وحشة و ضلمة و معنديش جاذبية

لؤى : حبيبتي نفسي احقق ليكي كل احلامك نفسي اجبلك نجمة من السما

جانا : نجمة انت بتقول نجمة انت ايه عاوز تخلص مني انت مش عارف ان النجوم دي نار و لهب و غاز الهيدروجين و الهيليوم و ان درجة حرارتها عالية جدا لو قربت من الارض ممكن تصهرها انت للدرجة دي بتكرهني و عاوز تخلص مني ليه؟

لؤى : حبيبتي انا خلاص مبقتش اقدر استغني عنك انتي خلاص بقيتي بالنسبالي زي الميه و الهوا

جانا : انت بتقول ايه؟ انت مش مدرك خطورة اللي بتقوله؟ انت مش عارف ان الميه و الهوا بقوا خلاص ملوثين و بيتسببوا في الامراض قصدك يعني ان انا بجبلك المرض و انت بقي شايفني السحابة السودا و لا تلوث النيل

لؤى: حبيبتي عيونك جميلة اوي بحب اشوف نفسي فيهم

جانا : قصدك ان انا عنيا زي شاشة الكمبيوتر اللي بتطلع اشعاع يعني ايه قصدك اني مضرة بصحتك

لؤى : حبيبتي انتي لا زي القمر و لا ميه و لا هوا و لا عاوزة اجيبلك حاجة و لا يهمني اشوف نفسي في عنيكي

جانا : ايوة كدة اخيرا فهمتني

لؤى: ايوة طبعا يا حبيبتي انا حقوم امشي

جانا : اوكي يا حبيبي

لؤى: اة بالمناسبة نسيت اديكي حاجة مهمة

جانا : ايه هيا

لؤى: دبلتك اهي اشوف وشك علي خير و لا اقولك بلاش اشوفه خالص اريح وفي النهاية دا لمصلحتك