ملاك الطيف
المراقبة العامة
عدد المساهمات : 14126
تاريخ التسجيل : 20/01/2011
 | | موضوع: يااااا مــــــــــــصــــــر الجمعة مايو 18, 2012 8:29 pm | |
| يامصر
سمعي الدنيا كلمتك
عرفيهم
إن كرامتك جنتك
وعزيمتك قويه
ومية مية
لو فقيرة إنتي قوية
يامصر سمعي أمريكا كلمة
بلغيها إن معونتك نقمة
وكرامتنا يامصر فوق القمة
عرفيها
إن الخونه خلاص جوة
محبوسين
ومكتومين
ومذلولين
وهمَ همَ
همَ اللي باعوا ليكي
كل خاين وياه عميل
همَ اللي طاطوا روسهم
للخونة ولاسرائيل
عرفيهم يامصر إنتي مين
عرفيهم يعني إيه كرامة
يعنى إيه شرف وحضارة
فكريهم
إنتي مين
إنتي الاصل
في الزراعة والصناعه والتجارة
انتي بانية الاهرامات
وفيكي علما بالمئات
عرفيهم
يعني إيه كلمة كرم
يعني إيه عزة وكرامة وكلمة شرف
والا الشموخ
في رقبة كل طفل منا
يامصر
قومي واصحي
ودي كبوه
وقعنا الخونة فيها
وهنلغيها من قاموسنا
وهنبني أهرامات جديده من عرقنا
نحط عليها علامه النصر بإيدنا
يامصر
إنتي حلوة باللي فيكي
كل حاجة حلوة فيكي
نهر نيلك
وفلاح تحت شمسك بيزرع
وعامل بيبني جوه مصنع
يامصر
والله إنتي جميلة وقوية
واللي إنتي فيه من الله إبتلاء ومحنة
بكره عزة النفس ترجع
بكره نبني بكره نزرع
واللي خان بكره يندم
واللي باع مش هيرجع
إنتي يامصر بلدي
فيكي عشقي ويا حبي
فيكي غرامي كتبته في شعري
إنتي بلدي
اخاف عليكي
إنتي لكل مسلم قدوة
سيبك سيبك من اللي خان
بكرة هيركع الامريكان
بكرة هنصنع
طيارتنا
وغواصاتنا
ولا يوم هيجي نحتاج للأمريكان
سيبك سيبك من أوروبا
اللي بتعرف للمصلحة
وفي الآخر تدي بمبة
تخون وتخدع
هي بايعة بايعة دينها
واليهود صدقيني مغطينها
إلا إنتي
إنتي في قلب اليهود خنجر
إنتي لليهود في النفس عقدة
مش هتخرج
إنتي لكل يهودي بعبع
إنتي قوية بشبابك
واحنا يامصر كلنا أجنادك
إنتي مصر
اللي إسمك بعد مكة في القرآن
إنتي مصر
هبة الخالق للكون عبر الزمان
التاريخ بيقول إنتي مين
يامصر بحبك من جوه قلبي
عايز أقدم لك هدية تكون غالية
إنتي روحي
وإنتي قلبي
وإنتي فيكي كل عزتي ويا كرامتي
علمتي الكون كله
زراعة وصناعة
والتجارة مع الكتابة
ياترى هقول إيه كمان
إنتي عشقي
إنتي غرامي
إنتي قوة للاسلام
إنتي اعتصام ووحدة
إنتي بلدي
اللي هحقق فيكي حلمي | |
|
رغد
المراقبة العامة
عدد المساهمات : 7998
تاريخ التسجيل : 10/05/2011
الموقع : نسمة طيف
| |
ملاك الطيف
المراقبة العامة
عدد المساهمات : 14126
تاريخ التسجيل : 20/01/2011
| | موضوع: رد: يااااا مــــــــــــصــــــر السبت يونيو 23, 2012 11:27 pm | |
| | |
|
