ملاك الطيف
المراقبة العامة
عدد المساهمات : 14082
تاريخ التسجيل : 20/01/2011
 | | موضوع: نكت 2010-2011 الجمعة يناير 21, 2011 9:08 am | |
|
نكت 2010-2011
مدرس بيسأل الطلبة فى الفصل بتعملوا ايه اول ما تروحوا البيت ؟ الاول قاله انا بتفرج عالتلفزيون واروح لاحمد بتاع الحشيش ..التانى قاله انا بلعب كورة واروح لاحمد بتاع الحشيش ..التالت قاله انا بذاكر واصلى واقرا قرآن ،، المدرس فرح بيه اوى وخده بالحضن وقاله اسمك ايه ؟؟؟ قاله انا احمد بتاع الحشيش
واحد الدغ فى حرف الـ (ر) وبيتكسف جدا لما يشترى شاورمة يقول للراجل هاتلى شويمة فبيقوله هاتلى واحد كفته وخلاص وهو زعلان جدا .. طلعله عفريت قاله تطلب ايه ؟ قاله نفسى اقول شاورمة صح .. قاله خلاص قولها بكرة بس هتكون مرة واحده بس .. راح المحل وبيقول للراجل بكل عنطزة بقى هاتلى واحد شــاورمة .. قاله ايه ؟؟؟ قاله هات واحد كفتة الله يحرقك
مرة واحد بيعدي الشارع مع صحابه خبطته عربية ومش عارفين يقولوا لمراته الخبر ازاى ..شالوه وراحولها البيت فتحتلهم الباب واحد منهم قالها : جوزك ضيع كل فلوسه عالقمار.. قالتله : إلـهي ينشل البعيد !! .. قالها: وباع البيت .. قالتله: إلهي يبيعوا عنيه !!! قالها: واتجوز عليكي على فكرة .. قالتله: إلهي يدخلوا عليا شايلينه !!.. الراجل قال : بــس .. خشوا يا شباب
بخيل جالة ضيوف قال لمراتة انا بفكر ادبح البغبغان عشان نعمل شوربة وفته و نشوى الضلوع على الفحم ونعمل الجناح هواية وممكن كمان نعمل لحمة راس ومخ ونقلى الكبد والقوانص ... رد البغبغان وقالة ما تيجى تحلبنى بالمرة عشان تعمل رز بلبن ياروح امك
اتنين ماشين في الشارع و الدنيا بتمطر عدت عربيه بسرعه غرقتهم ومشت واحد قال للتانى : تعرف لو كان حصل معانا كده في المهندسين بقى كان السواق وقف .. وخدنا بيته .. و غيرلنا هدومنا .. و خلانا نبات عنده .. وكان ادانا 100 دولار الصبح واحنا ماشيين كمان ... التاني قاله : بتتكلم بجد والله ؟؟؟؟؟؟ قاله اه و الله حصلت مع أختي
واحد كل يوم يعدى على مطعم ويسأل الطباخ عندكوا كيكة الطماطم ؟ فيقوله الراجل لاء فيجى تانى يوم يسأله عندكوا كيكة الطماطم؟ فالراجل يقوله لاء .. ويجى تالت يوم يعمل نفس الحكاية .. فالراجل زهق و قال لما اعمله كيكة طماطم و امرى لله .. جه تانى يوم وقاله عندكوا كيكة الطماطم ؟ فالراجل قاله ايوا يا سيدى .. قاله : يععععععع بتاكلوها ازاى دى ؟؟؟
اتنين حراميه دخلوا شقة بليل .. صاحب الشقة صحى فجأة فواحد منهم استخبى فى البلكونة والتانى استخبا فى الحمام .. شوية وصاحب البيت دخل البلكونة ومسك الاولانى وقاله انت بتعمل ايه هنا ؟؟؟ فالحرامى قاله استنى بس هفهمك .. أأ..أأأ...أنا من سلاح الطيران فى الجيش وكنت بحارب اليهود بالطياره لكن صاروخ جه فيا فنزلت بالبراشوت في البلك...ونة دى ... الراجل قاله : ايوه أهو انت كده بطل ، مش التاني اللي نايملى في البانيو ويقولى ضفادع بشريه
مرة 3 أطفال راحوا محل لعب واد منهم بيقول للراجل : عمو عمو عايز بلونة .. الراجل جاب السلم وطلع جابله بلونة ونزل وسأل التاني: وانت عايز ايه ? قاله عايز بلونة .. قاله وماقلتش ليه منا كنت فوق !! المهم طلع جابهاله وهو فوق سأل الواد التالت: وانت كمان عايز بلونة ??? قاله لأ.. فنزل الراجل وسأله : امال عايز ايه ? قاله عايز بلونتين
بلدياتنا راح شقة مشبوهه لقى مراته هناك ... قال أحـــمـــدك يــــارب مكتوبلى الحلال
| |
|
Snow_White
عضو متميز
عدد المساهمات : 112
تاريخ التسجيل : 20/01/2011
العمر : 32
| | موضوع: رد: نكت 2010-2011 الأحد يناير 23, 2011 10:45 pm | |
| ههههههههههههههههه
عقبال معمل فيكم كدبت ابريل | |
|
دموع الورد
عضو متميز
عدد المساهمات : 2286
تاريخ التسجيل : 24/01/2011
| | موضوع: رد: نكت 2010-2011 الإثنين يناير 31, 2011 10:50 am | |
| ههههههههههههههههههههههه
تسلم ايدك تحياتي | |
|
foxmix
عضو جديد
عدد المساهمات : 7
تاريخ التسجيل : 20/01/2011
العمر : 33
| | موضوع: رد: نكت 2010-2011 الخميس فبراير 03, 2011 10:05 pm | |
| | |
|
ملاك الطيف
المراقبة العامة
عدد المساهمات : 14082
تاريخ التسجيل : 20/01/2011
| |
ملاك الطيف
المراقبة العامة
عدد المساهمات : 14082
تاريخ التسجيل : 20/01/2011
| |
ملاك الطيف
المراقبة العامة
عدد المساهمات : 14082
تاريخ التسجيل : 20/01/2011
| |
