بوب 195
عضو مبدع
عدد المساهمات : 74
تاريخ التسجيل : 25/01/2011
العمر : 36
 | | موضوع: (5) أحمد & نور فى الجامعة .(الصعيدى والبنت الستايل ). الجمعة فبراير 11, 2011 2:44 am | |
|
بسم الله الرحمن الرحيم
اخر حاجه حصلت ايه فى الحلقة اللى فاتت يا واد يا بوب
اه ....
احمد : ماتيجي نتمشى شوية في الحديقة وبلاش المحاضرة
نور : بجد ...طيب يلا
احمد : ال حديقة ال....يلا يا هانم نلحج المحاضرة انا حاجزلك جنبي
احمد دخل لقى اتنين اعدين مكانه هو ونور
وووووووووووووووووووووووووو
ويارب الحلقة دي تعجبكم ومطولهلكم شوية اى خدمه
الحلقة الخامسة:-
تعالوا نشوف أحمد ونور عملوا ايه مع اللي قاعدين مكانهم
احمد : ايه يا كابتن انت وهو انا حاجز المكان ده من بدري
انت حاجز صالة ولا بلكون
احمد : لأ حاجز حمام يا خفيف
هو انت فاكرني شاي ولا ايه
احمد : ايوة شاي ومتاخدش في ايدي غلوة كمان
انت باين عليك متعرفش الكابو هيثم
احمد : وانت باين عليك متعرفش احمد ابن عم هريدي عمدة القرية
ههههههههههههههههههههههههههه
احمد : بتضحك على ايه يا ابن الدذمة
ودخل احمد في عراك وكأنه عراك بين الديوك ونور مش عارفة تعمل ايه
غير انها جابت النوت بوك بتاعها وفضلت تضرب مع احمد
احمد : اي اي ايه يا نور دي دماغي انا
نور : سوري يا احمد مكنش قصدي بجد
احمد : اخرجي انتي برا وايه الجلم الرصاص اللي بتضربي بيه ده
نور : انا لازم اموته لازم اكسره
وفجأة
دخل الدكتوووووووووور
الدكتور : في ايه يا ابني انت وهي وهو
احمد : هجطعه
الدكتور : تقطع مين يابني ...احنا في جامعة
احمد : جامعة مش جامعة هجطعه
نور : ايوة احنا هنجطعه
الدكتور : تعالوا برا انت وهي
احمد : لأ والنبي يا داكتور الجو ساجعة برا جوي
الدكتور : اطلع بقولك
نور : يلا يا احمد
احمد : يلا ايه وزفت ايه ...هو احنا رايحين نتفسح
وطلعوا يا عيني هما الاتنين ولسوء حظ احمد انه برضه محضرش المحاضرة دي كمان
احمد : انا مروح يا نور
نور : لأ خليك اعد معايا شوية
احمد : لأ يا نور انا مروح
نور : انا عايزة اتكلم معاك
احمد : بكرا ان شاء الله نتكلم كتير...ماهو كده كده مش هحضر بكرا برضه
نور : انت بتحب المحاضرات ليه يا احمد
احمد : انا جاي مصر عشان اتعلم يا نور مش عشان اتنزه
نور : انا عارفة انك شاب مش فاضي من جواك
احمد : ربنا يخليكي يا نور
نور : اي نعم انت مش مهتم بمنظرك...ومش بتسرح شعرك حلو...بس حاسة انك وسيم اووي
احمد : ماتجولي معفن احسن يا ست نور
نور : انا مش اقصد خالص
احمد : ولا تقصدي...انا جيت مصر غلط من اساسه دي مش بيئتي ولا دي حياتي
نور : انا اسفة
احمد : انا اللي اسف ....عن اذنك
وبعد ما احمد مشي نور مشيت هي كمان وكانت زعلانة جدا من كلامها معاه ولو انها مكنتش تقصد بس احمد حساس حبتين
نور حاولت تتصل باحمد عن طريق جارته
نور : الو ممكن اكلم احمد جار حضرتك
الجارة : احمد مين يا انسة
نور : احمد جارك
الجارة : اااه تقصدي حمادة ميدو مودي
نور : انتي مسمياه كده
الجارة : هو بيحبني اووي اقوله كده
نور : طيب كويس ممكن تناديه
الجارة : احمد احمد احمد احمد
احمد احمد احمد احمد
احمد : سلام قولا من رب رحيم..اختشي يا ولية على دمك بجى في حد يخبط على حد الساعة عشرة بالليل
الجارة : يووه ايه يا ميدو ..انا خضيتك ولا ايه...طيب تعالى في حضن ماما تعالى
احمد : اخلصي يا ست عاوزة ايه مني وليه بتخبطي في وقت زي ده
تليفون عاوزك
احمد : والتليفون عاوزني في ايه
هههههههههههههههه جتك ايه يا موودي يا سكر
اقصد حد عاوزك على التليفون
احمد : ابوووووووويا جراله ايه انطجي قولي
لأ لأ ده صوت واحدة
احمد : امي امي اما مالها مالها
الجارة : ده صوت جثة
احمد : ههههههههههههههههههههههه
احمد : والجثة هتتكلم ازاي يا ام مخ تاخين
تعالى ورايا يا مووودي وانا اخليها تنطق وتتكلم
احمد : طيب يا وش المصايب
نور سمعت ضحك احمد ويا جارته دي ...وقفلت السكة
احمد : الو الو ...الو الو
احمد : هههههههههههههههههههههههههه
احمد : الجثة مش راضية تنطق...ده باين كده الجثة ماتت
هههههههههههههههههههههههههههههههههه
واكيد لو عايزين تضحكوا اكتر
تابعونا فى الحلقة اللى جاية
pop 195 | |
|
بنوتة
عضو جديد
عدد المساهمات : 10
تاريخ التسجيل : 03/02/2011
| | موضوع: رد: (5) أحمد & نور فى الجامعة .(الصعيدى والبنت الستايل ). السبت فبراير 12, 2011 8:14 pm | |
| تسلم افكارك يا عم بوب ارحمنى بقا وهات الخلاصه لحسن شكلى هغزك ههههههههههههه الجثه شكلها ماتت تسلم تفكيرك بوب  | |
|
بوب 195
عضو مبدع
عدد المساهمات : 74
تاريخ التسجيل : 25/01/2011
العمر : 36
| | موضوع: رد: (5) أحمد & نور فى الجامعة .(الصعيدى والبنت الستايل ). الأحد فبراير 13, 2011 1:43 am | |
| هههههههههههههههههههه
هطول عليككى حبه يا بنوته
بتاع 25 حلقة بس
ههههههههههههههههه الجثة ماتت | |
|
ملاك الطيف
المراقبة العامة
عدد المساهمات : 14127
تاريخ التسجيل : 20/01/2011
| | موضوع: رد: (5) أحمد & نور فى الجامعة .(الصعيدى والبنت الستايل ). الأحد فبراير 13, 2011 12:20 pm | |
| تسلم الايادي بوب يا مخرج نسمة طيف الصبر خلص هات من الاخير ههههههههه
تقبل مروري | |
|
بوب 195
عضو مبدع
عدد المساهمات : 74
تاريخ التسجيل : 25/01/2011
العمر : 36
| | موضوع: رد: (5) أحمد & نور فى الجامعة .(الصعيدى والبنت الستايل ). الإثنين فبراير 14, 2011 1:53 am | |
| حتى انتى يا ملاك
عموما
انا قدامى طريق همشيه يعنى مشيه
ههههههههههههههههه | |
|
