انا انا هااعمل مدونه

ست الحبايب يا حبيبه ياااااااااااة جمله سهله وبسيطه بس اقد ايه ليها معانى وبالذات اللى مفتقدها


صحيح انا مش حسيت بحنيتها ولا حبها الظاهر زى ما بنشوف الامهات التانيه مع عيالها

يمكن عشان طلعت طويل اومنخيرى طويله مش عارف حتى نسيت اسالها عن الحاجتين دول بس كنت كل ماسالها مكنتش بتغير الجمله دى نفسى اشوفك احسن الناس زى بن خالك او بن عمك مع انى انا احلى منهم وعندى معزة

بس بجد كان نفسى تكون موجودة دلوقتى حتى لو كانت قاسيه زى زمان

وكمان عشان ترحمنى من اكل رغد اللى ديماناقص ملح دا


بجد نفسى اقولها انتى فين يامى وحشتنى ووحشنى صوتك
ربنا يرحمك ياامى ويرحم امواتنا واموات المسلمين

وهااقول لكل ام كل سنه وانتى طيبه ياام فلان او فلانه

الموت حق والحياة مقدر ان نعيش فيها
كنت اسمع ربنا ياخدنى عشان ارتاح منك او منك اومنكم او من اللى مخلفكم

انا معرفش هل فعلا الموت راحه وهل الدعوة دى حلا ل ولا حرام

حد يطلعنى من البتاعه دى انا مش عارف اخرج منها

بقالى فترة مش عارف ها تستمر ولاهاتخلص ولا انا اللى هااخلص

مش مستطعم اى حاجه حتى اكل رغد اللى ماهر بيغيظنى انه من حلاوته نزل فى حله الشوربه وطلع بجناح بطه