حوار مُتخيَّل في عائلة فلولية اليوم :

الأب : هات يا واد الجزيرة خلينا نشوف ايه اللي بيقولوه النهاردة ..
الابن : ازاي يا حاج هي مش طنط درية شرف الدين قالت ان اي حد بيتفرج على قناة الجزيرة غير مُرحب بيه في مصر ؟!
الأب : ماهي القنوات المصرية جايبة الدنيا فاضية مع اننا سامعين الصوت العالي بتاع المظاهرة اللي تحت .. هاتها أنا عارف انها كدابة بس هشوفهم هيكدبوا يقولوا ايه ؟
الابن بيجيب قناة الجزيرة ..
الأب -يبدأ في الهجوم وتكذيب مايراه بعينه- : أنا عارف ان في مظاهرات بس مش كتير قوي كده .. المظاهرات دي بتاعة 25 يناير أصلاً ..
الابن : بس ياحاج الناس لابسة صيفي وفي 25 يناير كانت الدنيا شتاء ؟!
الأب : يبقى تلاقيهم جايبين صور من ثورة 30 يونيو المجيدة ، أو المظاهرات بتاعة التفويض اللي ادها الشعب للسيسي
الابن : بس يا حاج رافعين صورة رابعة الصفراء دي ؟!
الأب : بااسسس يبقى دي تسجيل من مظاهرات رابعة قبل مايفضوها ومسجلينها كذا مرة وبيكدبوا ويقولوا للناس دي في حلوان ودي في المنوفية ودي في الاسكندرية وكده ..
الابن : بس يا حاااج الصورة الصفراء دي ماطلعتش إلا لما فضوا الاعتصامات ؟

الأب : ولاااااا .. قوم ياااض من هنا .. شكلك خلية اخوانية نايمة .. انتي يا ولية : الواد ده ماينامش النهاردة في البيت .. الله يخرب بيوتكوا مليتوا البلد وهتخربوا عقولنا ..

تعرفوا ليه المرشد مبتسم مع إن ابنه مات ؟؟؟!
تعرف ليه البلتاجى مبتسم مع إن بنته ماتت ؟؟!
تعرف الناس دي مش بتزعل ليه ؟؟؟؟؟؟
طيب تعرف الناس اللي في المظاهرات مش بتخاف من الرصاص ليه ؟!
طيب تعرف الناس بتنزل ليه مع إنها ممكن تموت ؟؟؟؟؟؟؟؟
قال تعالى : ( إن الذين قالوا ربنا الله ثم استقاموا تتنزل عليهم الملائكة أن لا تخافوا ولا تحزنوا وأبشروا بالجنة التي كنتم توعدون )