عاااااااااجل : مع طنطاوى مش حتقدر تنام بالليل!!
------------------------------------------------------
المشير طنطاوي يزور مبارك في مستشفي السجن قبل الإدلاء بشهادته :
... مبارك- خلاص هتبيعني يا طنطاوي ؟؟ ..
طنطاوى- معاش اللي بييعك يا ريس .. بس انا مزنوق فعلاً ..
- لو مزنوق في ركن الزنزانه واديها يا طنطن ..
- مقصدش يا ريس ..بس أنا خلاص عرفت هتصرف ازاي ..
- هتقول المحكمة مين اللي قتل الثوار يا طنطاوي ؟
- هنلبسها لجمال ابنك يا ريس
- قشطة ..طب هتقولهم مين اللي قطع الاتصالات ؟
- هنلبسها لعلاء ابنك يا ريس ..
- قشطة ..طب هتقولهم مين المسئول عن معركة الجمل ؟
- هنلبسها لمراتك سوزان يا ريس ..
- سوزان ؟؟؟ .. ايه اللي بتقوله ده يا طنطاوي ؟؟
- احم .. انا اسف يا ريس .. الظاهر اني اتعديت حدودي ..
- مش القصد .. بس سوزان انا ملبسها 13 تهمه تانية فمش ناقصه ..
- وماله يا ريس ما نخليها 14 عشان تاخد الإعدام المتين ..
- طب قشطة ..و قضية الأراضي و تصدير الغاز يا طنطاوي ؟
- الحمد لله .. حسين سالم لبسها لوحده محدش قاله البس ..
- طب وانا يا طنطاوي ؟
- انت هتبقى من شهداء 25 يناير يا ريس ..
- مينفعش يا طنطن ؟؟!
- ليه بس يا ريس ..
- عشان شهداء 25 يناير ماتوا في أحداث يناير .. زي ما حماده هلال قال .. واحنا
دلوقتي في سبتمبر ..وانا مبحبش ازعل حمادة ..
- يا ريس اللي حصل في يناير اللي فات ده حماده هلال .. واللي جي ده حمادة
هلال تاني خالص..
- بس تفتكر الموضوع ده هيخيل عالشعب يا طنطن ..
- يا ريس الشعب اتهبل وعمال يدور على كوبون البلاي ستيشن في الكيمو كونو ومش فاضي لحاجه تانيه ..
- كوبون البلاي ستيشن ؟ .. على ايامي مكنش فيه كوبونات يا طنطن .. كان اللي بيفتح الكيمو كونو بيلاقي البلاي ستيشن في قلب القرطاس علطول ..
- صادق يا ريس .. هي ايامك دي تتعوض .. ده الشعب النمرود ده قطع عيش السفير الاسرائيلي وطرده .. و الراجل بقاله اسبوعين دايخ بالـ(سي في) بتاعته في تل ابيت و مش لاقي شغل ..
- يعني أنا كنت طيب يا طنطن ؟!
- طبعاً يا ريس ..
- زي الأستاذ محمود الجندي والأستاذ كمال ابو ريه ؟
- وزي دينا ، وسعد الصغير ، وانغام ، ودياب بتاع غمازات يا ريس ..
- امال ليه بيقولوا اني كنت بلعب بالبلد سنجل ؟ ..
- سنجل فين بس يا ريس؟ ..امال جمال وعلاء دول بيعلموا ايه .. مهم كانوا بيلعبوا بالبلد معاك برضه ..
- وبيقولوا اني كنت موقف الشعب نكست ؟
- هسيبك بقى عشان الفنجري بيرن عليا ..
- طنطاوي ..
- عيون طنطاوي يا ريس ..
- اعمل الصح ..
- من غير ما تقول يا ريس .. ده احنا عشرة عمر ياريس
الجمعة أغسطس 09, 2024 11:00 pm من طرف ملاك الطيف
» "حمــال أفقه منك يا حســن
الجمعة أغسطس 09, 2024 10:54 pm من طرف ملاك الطيف
» المسلسلات لا تمثل قيما الدينة
الجمعة أغسطس 09, 2024 10:46 pm من طرف ملاك الطيف
» فتفقدوا أحبابكم.
الجمعة أغسطس 09, 2024 10:20 pm من طرف ملاك الطيف
» اتركوا المنتدى حالا
الأربعاء يوليو 17, 2024 5:06 pm من طرف ملاك الطيف
» اب يرسل ابنته للدعارة !!!
الثلاثاء يوليو 16, 2024 2:57 pm من طرف ملاك الطيف
» | صلـــة الرحـم |
الثلاثاء يوليو 16, 2024 12:48 am من طرف ملاك الطيف
» ما سبب ارتفاع نسب الطلاق
الثلاثاء يوليو 16, 2024 12:40 am من طرف ملاك الطيف
» لســت مجبـــراً أن أفهــم الآخريــن مـن أنـــا..
الثلاثاء يوليو 16, 2024 12:33 am من طرف ملاك الطيف