كان نفسى كنت اتمنى

كلمات بسيطه جدا لكن اللى وراها مش بسيط

اللى وراها


ممكن يكون عمر ضاع منك

ممكن يكون حلم تاه منك

ممكن يكون قلب غاب عنك

ممكن يكون فكره فيها خاب ظنك

ممكن يكون انت او انتى

من فينا ما قالهاش

كتير اوى بتمر علينا اوقات بنقول فيها كان نفسى او كنت اتمنى

ياترى الاوقات ده بتبقى حالتنافيها ازاى

بنكون وحدنا ولا معانا ناس تانيه

ساعات بيكون معانا ناس واحنا بنقول الجمله دى

وكمان بنقولها ليهم لكن بصوت مش مسموع

لان مفيش فايد ه انهم يسمعوها

ساعات بنكون وحدنا وبنقولها بينا وبين نفسنا

واحنا بنسمع موسيقى حزينه لمست قلبنا

ومن غير ما نقصد بنلاقى دموعنا فوق خدودنا

ساعات بنققولها واحنا عارفين ومتاكدين ان اللى راح مش بيرجع تانى

طب ليه بنقولها

ياترى لما بنقولها بنحس بندم ولا حنين

ولا بنحس بقلة الحيله اللى وصلتنا لكده

كان نفسى كنت اتمنى