Hitskin.com
الرئيسية
أحدث الصور
من طرف أنا اللي هتفت سلمية
لا انا صايع ولا بايع سنين عمري اللي باقيه بلاش
ولا حابب أشوف أمي قلقها عليا مابيهداش
لاعاوز أشوفها شايله الهم .. وتبكي لو تشوف الدم
ولما تتسأل عني تقول دا ضنايا راح ولا جاش
أنا اللي هتفت سلمية
ولا كان نفسي أشم الغاز
ولا امسك طوبة في إيديا
ولا خرطوشة تحرقني
أنا إللي هتفت سلمية
ما كانش في بالي ضرب النار
ولا إني أنضرب برصاص
ولا إن عنيا تبقى نشان لظابط مفتري قناص
أنا إللي نزلت بهتافي خلعت نظام
وحققت إللي كان فاكرينه قال أحلام
ساعتها إتشلت فوق الروس وقالو عليا أحلى كلام
ده كان في يناير الماضي بداية العام
ومات ايامها صاحبي فؤاد
ومات خالد ومات رامي
وراحت عين قريبي هشام
وعدي الشهر بعد الشهر
وفاتوا عليا زي الدهر
ودم الشهدا يفزعني ويقلق راحتي كل ما انام
ساعتها لقيتني متكتف وقولت لابد اعود اهتف
رجعت هتفت سلميه
وقولت الدم مش للبيع بورقه ب 10 او 100
ف ايدي ايه غير اني اهتف
فضلت اهتف فضلت اهتف
وقولت يا ناس دة انا اللي هتفت سلميه
قالولي لا ونكروني وشوفت الدم من تاني
وعاد المشهد الدامي
وده كان يوم م مات مينا عشان مقبلش تاني الظلم وراح يهتف
وزادت قايمه الشهدا عدد م الناس
في منهم صابته رصاصه او اللي انداس
وزادوا الحزن والقهرا وعادوا الكرة 100 مرة
وسال الدم من تاني علي جبينه وغرق عمته الحرة
ومن تاني عشان خاطرك يسيل الدم يا طهرا
وبعد ده كله
انا اللى هتفت سلمية
و يسقط كل من خانوا و يسقط كل من هانوا
و يسقط كل من وقفوا فى وش جيل بيتحرر
و يسقط كل من ضربوا و يسقط كل من قتلوا
ويسقط كل من شطبوا سطور فى تاريخ بيتسطر
ومن تانى رخص دمى وسال فى شوارع التحرير
ماعدش بينفع التبرير
ورجعوا قالوا تستاهل
لكن عارفين .. انا أستاهل .. علشان انا كنت متساهل
ولجل يكون فى معلومكم .. مافيش حرية بالساهل
ومهما يسيحوا فى دمى .. ارادتى مش هتتكسر
فدا بلادى تروح الروح .. ولا أشوفها بتتعسكر ..
رمضااااااااااااااان كريم يادفعه
» "حمــال أفقه منك يا حســن
» المسلسلات لا تمثل قيما الدينة
» فتفقدوا أحبابكم.
» اتركوا المنتدى حالا
» اب يرسل ابنته للدعارة !!!
» | صلـــة الرحـم |
» ما سبب ارتفاع نسب الطلاق
» لســت مجبـــراً أن أفهــم الآخريــن مـن أنـــا..