فى القصه
هنسفيد دررررررررررررررررررروووووووووووووووس كتير
وما احلى التعلم عن طريق القصص
.........................
.................................................. ...........
نبدء القصة
(الحلقه الاولى )
فلاش باك امبارح
ماما داخلة وطالعة وعمالة تشيك ع البيت
بابا واقف ادام المراية بيظبط الجرافتة
مى ونورا بيتخانقوا ع الاكسسورات بتاعتى
وبعد كل دة سؤال واحد هسالة ..............هي مين العروسة اصلا ؟؟؟
اها .........انا ..انا العروسة ........
يوووووووووووووووووة نسيت اعرفكم بنفسى .احب اعرفكم انا رغد بطلة القصة الجديدة .....احب ابشركم انكم هتشوفوا ايام عسل
استعداد كلو يربط حزام الامان وسننطلق
انا بنوتة ف اولى جامعة مش مهم جامعة اية .ولا بلاش احسن تزعلوا
انا ف كلية فنون جميلة (^_*)
بعيش حياتى عادى جدا بس بشكل مميز
كائن اعيش واتعايش بس مش اى طريقة تعايش
احب عيلتى جدا وليا صحااااااااااااااااااب كتير .........امى وابويا ربونى ع الادب والاخلاق وازاى اكون قدوة لغيرى باخلاقى وافعالى وازاى اطيع ربنا واكون امة ربانية
المهم
المهم ف يوم من الايام واذ فجأة انا بخلص شغلى الى هسلمة ف كليتى بكرة لقيت مامتى داخلة من الشغل وبتقولى
رغد حبيبتى : انتى مرزقة
انا فرحت اوى معرفش لية بس قلت الحمدلله رزق وجاى اى ماكان بقى قبل مااعرفة المهم ان ربنا بعتلى هدية ....وان شاء الله حلوة اوى اوى
شوية وداار حوار بصوت واطى لماما وبابا سوا بس بصراحة ذبذبات الحوار وصلالى
اينعم مش سامعة بيقولو اية بس قلب الام الى جوايا تنبأ ان خمس دقايق وهيندهولى
وبالفعل ..........
رغد ..رغد
رغد:ايوة يامامتى
الام :تعالى شوية
رغد :حاضر
نعم ياجميل
الاب: اقعدى يارغد
عايزينك ف موضوع
رغد فى سرها(ربنا يستر اية الكلام الكبير دة ).......اتفضل ياكبير
الام: جايلك عريس ياحبيبتى
رغد :0.o
وماماتى قالت ع العريس ومواصفاتة وازاى طنط زميلتها جابتو ليا لما شافتنى وشافت اخلاقى وحجابى وهكذا
الام والاب : بصى بقى اية رايك احنا هنحدد ميعاد معاه وتشوفية وتتكلموا وتعرفواع بعض حصل نصيب يبقى الحمدلله لو لا يبقى اديكى شوفتى وعرفتى واتكلمتى وبتفهمى الناس تمام ...واحنا معاكى متقلقيش
رغد :0.o
الام: مالك مذبهلة كدة لية ؟؟
رغد :معلش هوا الكلام الى انتى بتقولية دة بجد
الام: ايوة يابنتى
رغد: احم ...(هى الدنيا بتلف بيا ولا اية وبعدين لية انا حاسة بمغص ف قلبى ولا دة نزل رجلى .....انا حاسة لية انى دخلت امتحان فيزيا ثانوية عامة تانى ......دة حتى الموضوع كان اخف من كدة )
رغد: يعنى مامتى خبطتين ف الراس توجع جايلى عريس وكمان هنشوفة
جاى وهشوفة الاتنين مع بعض
الام والاب: ايوة اية رايك نحدد ميعاد معاه الجمعة الجاية نشوف وربنا ييسر تمام
اها اوك
وبعد ذاك الحوار الشيق لقيت نفسى لاعارفة اكم لشغل ولا اى شىء واتقلب حالى لبزرميط خالص
وطبعا بقى لعبت دماغى ياترى هذا الكائن الجديد شكلة هيكون اية
ياترى هيبقى كويس وابن حلال ولا اية
ياترى هعرف اتوافق معاه وهوا هيعرف يفهمنى ويحتوينى لا لا
ياترى .ياترى ......ياترى ..لغاية لما حست دماغى هتتجنن
ماعلينا وقتها لكمت كل دة بغداء محترم وقلت اخليها ع الله وربنا يستر
واهو ابتدى الاسبوع ولسة بنقول ياهادى لقيت امى بتقولى
: احنا بقى نبدأ نروق البيت الزريبة الى انتو بتبهدلو دايما دة
مع ان بيتنا جميل ومترتب بس امى موهوسة نظافة
الام: وبصى بقى انتى تلبسى العباية التركواز دى لما يجى العريس ..........والخمار السكرى دة لانه حلو عليكى
ياختى كميلة بنتى هتبقى عروسة
وفضلت امى تمشى ف البيت توزع ف ابتسامات ..اينعم موقف غريب وامى حالها اتغير بس انا مبسوطة لانها فرحانة .. ربنا يفرحك دايما يامامتى ياحبيبتى
رغد:0.o
ماما انهاردة السبت والعريس جاى الجمعة الجاية انتى خلصتيلى الاسبوع بدرى بدرى .........
الام: بس مالكيش دعوة ان شاء الله بطلى تتكلمى انتى كتير بس
رغد:طيب انا غلطانة ..........وقمت قعدت ع الاب توب وعيشت
بس شوية ولقيت نفسى سرحت ف الكائن الجديد الى يدعى بالعريس ياترى هوا زى مابيقولة
طيب ومرح ومؤدب ومتدين بس مش متشدد والخ الخ الخ ...
معرفش ............يارب انا واثقة ف حسن اختيارك ليا وانك هتفضل جنبى
يارب قدر لى الخير حيث كان ثم رضنى به .......كانت دعوتى كل مااصلى وقلبى يطمن بعدها
.............كفاية كدة انهاردة واكمل معاكوا بمفأجاة جديدة الحلقة الجاية
عدل سابقا من قبل رغد في الإثنين سبتمبر 15, 2014 4:46 pm عدل 1 مرات
الجمعة أغسطس 09, 2024 11:00 pm من طرف ملاك الطيف
» "حمــال أفقه منك يا حســن
الجمعة أغسطس 09, 2024 10:54 pm من طرف ملاك الطيف
» المسلسلات لا تمثل قيما الدينة
الجمعة أغسطس 09, 2024 10:46 pm من طرف ملاك الطيف
» فتفقدوا أحبابكم.
الجمعة أغسطس 09, 2024 10:20 pm من طرف ملاك الطيف
» اتركوا المنتدى حالا
الأربعاء يوليو 17, 2024 5:06 pm من طرف ملاك الطيف
» اب يرسل ابنته للدعارة !!!
الثلاثاء يوليو 16, 2024 2:57 pm من طرف ملاك الطيف
» | صلـــة الرحـم |
الثلاثاء يوليو 16, 2024 12:48 am من طرف ملاك الطيف
» ما سبب ارتفاع نسب الطلاق
الثلاثاء يوليو 16, 2024 12:40 am من طرف ملاك الطيف
» لســت مجبـــراً أن أفهــم الآخريــن مـن أنـــا..
الثلاثاء يوليو 16, 2024 12:33 am من طرف ملاك الطيف