من طرف روايات انسان الإثنين يونيو 03, 2013 5:04 pm
البارت الحادي عشر ....
..............................................
في بيت سلوى !!
سلوى بغرفتها ,,, تقرا قران .... وتبكي من قلب .,,,
( يارب .. يارب ساعدني ... والله اني حايره في امري ... مدري وين الاصلاح فيه .. يارب ارحمني واكفني شر هالناس وشر زوجة اخوي .. يارب مالي غيرك يارب )
ظلت سلوى تبكي بحرقة ... متوجهه الى الله بقلب صاااادق ... تحس الكون كله ضدهااااا .... ماتدري وش القرار الصائب ....
قامت من سجادتها .... وجلست ع سريرها .. سندت راسها لورا .... ودموعها ع خدها ,,, خايفه تسوي شي تندم عليه طول عمرها ,,,
..............................................
عبير ويا ام تركي بصالتهم .....
ام تركي : شرايك بالله بالفستان عجبك ......
عبير /: ايه ( ماتقدر تقول شي لاختها تدري عنها شريه وراعية شر ) ...
ام تركي : كيف تتوقعين بيطلع حلو ع الشينه سلوى ..
عبير : هي اللي بتحليه ....
ام تركي : هههههههههههههههههههههههههه ايه هين ....
ام تركي : واخيرا ياعبير جا اليوم اللي انطره من زمان وبفتك من هالشينه وامها ....
عبير : وامها ؟؟؟
ام تركي : ليش تتوقعين يعني بخليها عندي اذا تزوجت بنتها ؟
عبير : اجل وش بتسوين ؟؟
ام تركي : بخليها تلحق بنتها ههههههههههههههه
عبير /: بس هذا بيتها ..
ام تركي بعصبيه : ماهو بيتها .. هذا كله بيتي انا .. ولي انا .. وهي مالها شي فاهمه ...
رمت الفستان على عبير ... روحي عطيه الزفته هالي فوق وقولي لها .. كلها كم ساعه وتجي البنت اللي بتعدلها للخطوبه
عبير وهي تمد يدها لام تركي ( وش اللي صار لك ياختي .. ماكنتي كذا .. وش اللي غيرك )
خذت الفستان ... وتحس بضيقه عشان سلوى ... بس وش تسوي مابليد حيله ....
صعدت لغرفة سلوى ..
طق طق طق
سلوى ( مسنده راسها لورا فوق السرير ... بعالم ثاني ..... هل ياترى بيطلع عادل حبوب وطيب ... والا بيطلع شين زي اخته ... هل بياخذني بيعزني والا بيذلني وبيقهرني )
طق طق طق
عبير : سلوى حبيبتي افتحي الباب
سلوى : انتبهت بصوت عبير .. مشت لعند التسريحه ... ناظرت المرايه .. ومسحت دموعها ....
مشت بخطوات ثقيله ... الى عند الباب ... المسكينه شايله هموم الدنيا كلها فوق ظهرها ...
فتحت الباب وناظرت بعبير .... مشاعر مختلطه في عيون عبير ... بين نارين ... نار عذاب سلوى ونار قسوة اختها ام تركي ...
عبير : سلوى خذي هذا الفستان حق الخطوبه .. وجهزي حالك كلها كم ساعه .. وتجي البنت اللي بتجهزك ...
سلوى : مامدت يدها للفستان .. تحس تمد يدها للكفن مو لفستان خطوبتها ...
عبير ( حاسه بسلوى بس وش تسوي ... مابيدها شي .. غير انها تصبرها ...)
سلوى : ادخلي عبورهـ ..
دخلت عببير وسكرت الباب وراها ... جلست ع الكرسي اللي قدام سرير سلوى ...
وسلوى حطت الفستان ع السرير .. وجلست قبال عبير ...
عبير ( حست ان سلوى في ضيقه المسكينه .. من نظرات عيونها يبين كل شي )
سلوى : نزلت راسها ...: عبير تعبانه .. تعبانه ياعبير .. بصوت مليان الم .. صوت يقطع القلب ..
عبير : داريه ياعمري ,,,حست دموعها تجمعت بعيونها اول مره تشوف سلوى بذا الوضع ( الله يهديك يام تركي والله سلوى ماتستاهل هاللي تسوينه فيها )
سلوى : ماني قادره استوعب اني اليوم بصير زوجة اخو النوري .... وبعد مااقدر ارفض ...اخاف ع امي ... والله امي ماتتحمل أي شي .. ومستحيل اكون السبب في اذاها ... ضايعه ياعبير ضايعه ...
عبير : ام تركي تقول اخوك بيوصل بعد شوي ... بالله حاولي فيه كلميه ...
سلوى : اخوي !! (تبتسم بقهر)
اخوي هذا ياقلبي لايهش ولا ينش ... أي شي تبيه زوجته ينفذه وهو ساكت .. ماله راي ولا سلطه ... اصلا مستحيل يصدق كلام عليها ...( سلوى سكتت مابقت تزود كلام عشان ماتضايق عبير برضى البنت اختها والدم يحن )
.......................................
اماني بالسياره ... فكرها مشتت بين سلوى .. وبين هاللي جالس قدام جنب اخوها ...
جالسه ع نار تبي توصل للبحر .. عشان تقدر تكلم سلوى ماتقدر تكلمها وهي بالسياره ماتبي تتكلم وسعد فيه ...( ياربي وش جابني ويا ابراهيم .. لو اني جاهزه مبكر كانت ركبت ويا فارس وخليت عنوده تجي وياهم .. كله مني انا المايعه ع قولة فارس )
نوف : عمي عطني سلمان عنك ...
سعد : لاخليه مرتاح انا ....
نوف : هاته والله من ركبنا وهو عندك ...
ابراهيم ../: ههههههه خليه يتعود من الحين عشان اذا تزوج يكون ماخذ كورس ...
سعد : وينها هي طيب ؟؟! ( يتنهد)
( اماني نقزها قلبها يومنها سمعت كلمته .. هي ماتدري ليش .. بس حست قلبها عورها يومنه قال وينها ؟؟؟ ...)
اماني ( ياترى سعد حاط عينه ع وحده والا لا ... هل يحب وعنده علاقه ويا بنت والا لا .. يلا وش خصني انا .. )
اسئله كثيره تدور في مخيلتها ماهي لاقيه لها اجابه ...
بوسط امواج الافكار الكثيره االلي براس اماني .... حست ببريك السياره ... وقفت السياره ....
سمعت صوت فارس من برا ../ يلا ابراهيم هنا المكان مره مره تمام ... شوف هذي البايكه مره مريحه ....
نزل ابراهيم ... وصقر وفارس ... عشان ينزلون الاغراض ...
سعد يناظر في نوف ... : نووف خذي ولدك .. بروح اساعدهم انا .....
( اماني حست وكأنه مويه بارده انصبت عليها من لفة سعد عليهم )
نوف : الله يعطيك العافيه عمي ...
نزلو الشباب الاغراض ... وخلو بايكه لهم وجنبها ع طول بايكة الحريم ...
فارس جا لعند سيارة ابراهيم .. : يلا نوف .. يلا امونه انزلو من السياره ...
نزلت نوف وراحت عند ام ابراهيم والعنود .. ....
فارس مسك امونه من يدها : بالله روحي لعندها واخذيني معك ..
اماني : اقول لاتصير خفيف .. اثقل الحمد لله والشكر ..
فارس : دز اخته بكتفه .. مالت عليك وانا اقول اختي بتضبطني ...
اماني : اضبطك بس بسنع ماهو بدفاشه ..
فارس : تنهد .. أي نشوف السنع يام السنع ...
سعد كان واقف ويا صقر وعيونه ع اماني .. ( انتبه بحركة اخوها وهو يدزها ... )
سعد ( مدري وش مسويه طويلة هالسان ويا اخوها .. )
رنا : واقفه بعيد عند سيارتهم .. وقلبها يدق بقوهـ اول مره تجتمع ويا فارس من بعد اول مره شافته فيها بالصدفه ...
اماني راحت لعند رنا يلا تعالي نجلس ويا امي ونوف وعنووده ...
راحو البنات وجلسو عند نوف وام ابراهيم والعنود ... وقبالهم البحر ....
اماني : يازين البحر ياناس يهبل يجنن .. وهـ ع ريحته ...
رنا :والله ابي اغط رجولي قبل يجي اليل اخاف في اليل ..
نوف : تمو تقهوو ويانا ..
اماني : مسكت رنا من يدها .. قومي بس .. نروح عند البحر .. وانتي نوف قهوي امي زين ههههههههههه( اماني تدري ان نوف تموت في شي اسمه بحر .. ومسويه هالحركه تقهرها عشان تتم يم امها )
اماني تأشر ع العنود : هيه قومي ..
العنود : ام سوري ابي اريح ... روحو بعدين اجيكم .. يمكن!! لا تتأملون
اماني : هههههههه يلعن شكلك ع الثقه ...
اماني : رنوي تعالي بعيد مانبي نصير في وجه الرجال عشان نفك الغطا ياختي وناخذ راحتنا ,....
رنا : اوكي مشينا اجل ...
قامو يمشون ويمشون وصلو لمكان مافيه ناس ...
اماني ورنا ~.. فكو الشيلات عن وجههم وخلو الشيلات .. لافينها ع راسهم ...
اماني : روحي غطي كراعينك وانا بكلم سلوى بعد عمري مدري وش راح تسوي ويا الاغبياء اللي عندها ,...
رنا : دقيقه لا تروحين مكان ابي اسمع وش تقولون ..
اماني : اقول غطي هالسيقان وخليني في حالي ..
.................................
فارس .. انتبه ان رنا واماني طالعات .. قام يفكر ويفكر شلون ا روح لهم ياربي بدون ماحد ينتبه اني قايم لهم ..
طلع جواله من جيبه .,. وضل يناظر فيه .. مسوي انه ينتظر اتصال ...
دقايق الا قال استأذنكم جايني اتصال ...
ابراهيم وصقر وسعد وابو ابراهيم : اذنك معاك ..
ابراهيم : خذ راحتك ( يغمز حق اخوهـ )
مشى فارس ,,,: لعند الجهه اللي مشو منها .... شاف اماني ماسكه الجوال وتدور به ..
ورنا : رافعه عباتها وتمشي بالبحر ...
كان بين رنا واماني مسافه شوي ... فارس مر من ورا اماني ولا انتبهت فيه ... راح فارس لعند رنا ... ودخل البحر .. رفع بنطلونه .. ومشى لعندها ..
فارس :/ صباح الخير ياعمرري ..
رنا ( قلبها قفز من مكانه عارفه الصوت وعارفه راعيه )
لفت عليه ... ونزلت عيونها .. رجعت ناظرت بالبحر ....
فارس /: يهمس لها بحنان .. : قلنا صباح الخير ...
رنا / صباااح النور ...
فارس : قمر تهبببببببببببببببلين تجننيين
رنا : كانت اطرافها ترتعش وكلامه زاد رعشتها واخل توازنها .... شافها تتمايل .. عرف انها بتطيح ..
رنا :: اووووووووووووووه
ماحست الا يدين تلقفتها... ايدين حبيب قلبها وعمرها فارس...
فارس : شفيك يادبه ..
رنا مستحيه ... ( ياربي وش هالمواقف الخايسه ... )
بعدت عنه .. وراحت عند الشاطئ وجلست .. جا وراها وجلس يمها ...
...........................
اماني : ياعمري انتي ... سلوى تكفين سوي اللي قلت لك عليه تكفين ياقلبي ..
سلوى : محتاره .. مدري والله .. اخاف على امي يصير فيها شي .. صديقني خايفه ...
اماني : سلوى فكري بعقلك ... حياتك كذا بتدمر ومراح احد ينفعك واولهم اخوك الغبي ..
والله بتضيعين صدقيني .. وامك الله يحفظها ...
سلوى : من بين دموعها وشقاتها ... خلاص اماني اخليك روحي استانسي ويا اهلك مابي اضيع وناستك ..
اماني : لا لا وش تقولين ...خليك ..
سلوى : مب قادره اتكلم خلاص .. ( من كثر البكى انكتم صوتها ماهي قادره تقول شي زياده )
سكرت ,,, اماني ...
اماني رفعت يدينها للسما .. يارب .. يارب ساعدها يارب ..
لفت تدور رنا .. شافت فارس وهي جالسين ع الرمل
فارس / وش رايك بالمفاجأه ..
رنا :/ احلى مفاجأه
فارس : عشان ثاني مره لاقلت ابي اشوفك تقولين امر تدلل وماتتغلين ..
جات اماني ووقفت جنب فارس ...
اماني : هههههههههههههههههههههههههه
فارس : رفع راسه هههههههه
اماني / قلنا دفاشه ههههههههههه
فارس/: خذ قرفة مويه من البحر ورماها عليها ... وخري يلا روحي عند الحريم بلا ازعاج ..
اماني : عاد اللي يسمعكم روميو وجوليت ع غفله ..
فارس/ رفع حواجبه .. احسن منهم ان شاء الله
رنا / مستحيه .. وجهها صار احمر ... قررت تقوم ولا تحط فارس بموقف محرج ..
حس فارس انها بتقوم .. مسك يدها / ( يهمس) لاتقومين تكفييييين يناظرها بحنان
اماني استحت .. مشت عنهم ...
اماني تحب تجلس لوحدها كثير .. بالذات بمكان واسع زيه المكان .. تبي تحس انها بعالم ثاني .. هي وخيالها وبس ...
تمشي وتمشي ... وتفكر بهالدنيا ... ( سبحان الله .. مافي احد بهالدنيا مرتاح .. الفقير والغني .. الكبير والصغير .. كلن وعنده هم يسهره الليل ويحرمه النووم )
شافت مرجيحه .. وماحولها احد ابد ...
طلعت جوالها وسماعات الجوال ... وشغلته ...
جلست ع المرجيحه ,, ( تسمع موسيقى كلاسيك ... وقلبها وعقلها مشتت بين افكارها...)
تتذكر كلام العنود اختها لها ...
العنود :انتي ليه شخصيتك كذا ..
اماني : شسوي الله خلقني كذا ..
العنود : تتعذبين وتعذبين قلبك .. على شي تافه .. لاتعطين الامور اكبر من حجمها ترا الدنيا ماتسوى وربي ..
اماني ( ياليت اقدر اخذ الامور ببساطه اكثر كان ماهذا حالي ... اضحك وابتسم واسولف وبقلبي بدل الهم الف هم ...)
...................................
فارس ورنا بمكانهم .. ماخذين راحتهم عارفين انوه ماحد حولهم مكانهم مره بعيد وقلبهم متطمن ...
رنا ويدها بيد فارس ..
رنا : فارس صدقني ماتخيل حياتي بدونك.. كنت افكر ان حنان وحب ابوي مكفيني وماني محتاجة لغيره ... لكن الحين احس اني حنان وحب هالكون كله مايكفي بدونك ..
فارس يسمع كلامها .. وهو رافع راسه للسما .. وكأنه بحلم ولا يبي احد يصحيه منه ..
رنا : فارس
فارس / عيون قلب روح فارس ,,
رنا :/ هل بيجي يوم وبتتركني فيها ,, او مثلا الظروف تحدنا نبتعد و,
فارس / قاطعها ... ومسك يدينها الثنتين .. وعيونه بعيونها /: لا لا تكفين لا تكملين ,,, امانه انك ماتفكرين بهالتفكير عشاني تكفين ,,
انا مقدر وربي اعيش بدوونك . وربي وربي امووووت صدقيني ..
رنا / ع طول ادموعها نزلت ع خدها ( ماتقدر تتحمل هالمواقف ... )
فارس : ( يبتسم ) .. يابعد عمري مابي اشوف هالدموع ... محب البنت الضعيفه ,... اوكي
رنا :/ أحبـ ــك
فارس : انا اللي اموووت فيك ياعمري .. والله مراح يبعدني عنك الا المووووووت ..
رنا :/ وعـــ ــــد ..
فارس : وعد ياقلبي ....
..............................
ام تركي جالسه بالصاله الكبيره المخصصه للحفلات والمناسبات ...
وجالسه تشرف ع الخادمات .,..
ناصر ( ابو تركي ) ... دخل عليها ... السلام عليكم ..
ام تركي وعليكم السلام ياهلا ويامرحباا نور البيت ...
ناصر : وش لونكم ...
ام تركي : بخير يالغالي بشوفتك ...
وين امي ..
ام تركي بقهر ::: امك فوووق ,, بغرفتها .. ( تتكلم بدون نفس .. اووووووف تو داخل ويسال عن هالعجيز ... )
ناصر : صعد لغرفة امه ... مشتاق لها ..
دخل الغرفه ..
شافها نايمه .. راح لسريرها .. باس راسها ويدها ...
ام ناصر اجلست .. شافت ولدها ماهي مصدقه ....
ام ناصر / ناصر
ابو تركي : ايوه يما ناصر ...
ام ناصر :/ تقرب راس ولدها منها وتبوسه
وينك ياوليدي .. ليش كذا تتركنا ومتسأل عنه
ناصر : يما وش اسوي الشغل وبلاويه ... بس انا ناوي احول شغلنا كله للسعوديه .
ام ناصر : الله يوفقك ياوليدي ..
تدري اليوم خطبة اختك ...( تقولها بفرحه مالها حدود المسكينه ).
ناصر : ايه يما داري ...وانا جاي عشان الخطبه .,,,
ام ناصر تمسح دموعها ع خدها ... عساني ابلغ فيها واشوف عيالها وعيالك ..
مابي اموت الا وانا متطمنه عليكم ...
ناصر ( اهـ يمه ... ماظن بتشوفين لي ولد.... )
ناصر : الله يطول بعمرك يما ,,,,
يما استأذنك بروح عند سلوى اشوفها .....
طق طق طق .... سلوى جالسه ويا البنت اللي تضبطها حق الخطوبه ,,,,
فتحت البنت الباب ...
سلوى توقعت انوهـ زوجة اخوها عند الباب .. شهقت لمن شافت ناصر
قامت لعنده وباست راسه .. وضمته بقوهـ
هذي ريحة الغالي ابوهاااااااااااا
ناصر : شلونك ياسلوى ..
سلوى : بخير يالغالي .....
ناصر : كيف جاهزه للخطوبه ...
سلوى تناظر اخوها اللي فرحان بالخطوبه .......
ابتسمت لاخوها ...: ايوهـ
ناصر : استأذنك اجل ..... بعد صلاة العشا راح يجون الرجال ..
طلع ناصر من غرفتها .. وترك اخته ... بين همومها ...
( ليه ماقلتي له ليه .؟؟ ............
اهـ ياربي مقدر مابي اتسبب في اذى امي مابي )
..............................
النوري تدور بفستانها قدام امها ... ماما كيف ؟؟؟
ام عادل : انا هقوتي هذي خطوبه يعني العروس تلبس فستان بس مهوب انتي بعد ؟
النوري : ههههههههه عادي يما انا اخت المعرس ..
النوري : اجل متى بنروح يمــا ....تراي متحمسه ,.,,,,
ام عادل : بعد شوي بيجي اخوك .. راح يضبط روحه بالصالون ...
النوري : ههههههههه ايه من قده المعرس .....
......................................
فيصل ويا عادل بالصالون .....
فيصل : ها وش شعورك يالمعرس ....
عادل : اسكت وناسه .. بس الحكي يقولون البنت شينه .....
فيصل : اجل ليش خطبتها ؟؟؟
عادل : عشان فلوس ابوها المرحوم ( يقولها بمسخره ) ..
فيصل : هههههههههه ليش عليك قل فلوس ؟؟؟
عادل : لا ياشيخ بس زيادة الخير خيرين ...
فيصل : اجل ليه مستانس وانت منت حاب تشوف البنت ...
عادل : هي كذا وناسه لانك معرس ... والا يعني ماهي اول مره اشوف بنت واجلس وياها .. شابع .انا ,,,
سكتت عادل شوي .. عقبالك _*_
فيصل : بعيد الشر عني قصدك ...
عادل : هههههههه ليش فصوووول هههههههههه
فيصل : انا شايل فكرة الزواج من اساسه ...
عادل : هههههههههه قلنا قبلك .. وهذا انا اليوم بملك .. عادي كل الشباب يقولون كذا وبعدين يتزوجون لا طفشو من العزوبيه
.......................................
ام ابراهيم منسدحه تريحـ
نوف عندها ولدها جالس يصيح .. ماخلاها ترتاح
رنا جالسه ويا العنوووود ويسولفون ...
اماني للحين برا.....
رنــا : تأخرت اختك كثيرررر ....
العنود : ماعليك ساحره الحين تجي حق الصلاه ....
هي كله كذا .. تحب تجلس لحالها اذا طلعنا أي مكان ..
رنا : انتي منتي زيها سبحان الله
العنود : هههههه انا احب انكد على الاوادم هههههههههه
نوف : ايه مشكلجيه
العنود : تكلمت !! ( تناظر في نوف )
رنا : ههههههههههه حليلك يالعنود ..
العنود : ويه .. تو تدرين اني عسل اتركي بس اماني وصادقيني والله تحسين بالفرق
اماني .. واقفه عند راس اختها !!
ايه العنود وبعدين ؟؟؟؟
العنود : ايه يارنوي وصدقيني اماني مافي زيها بالكون .. حبوبه وطيبه .!! *_*
رنا ونوف : هههههههههههههههههههه
اماني : تجلس بين اختها وبين نوف ..
العنود : قومي يادبه مافي مكان ...
اماني : كيفي احب الضيق ....
ام ابراهيم سمعت هذرتهم ... بنات يلا صلاه ....
قامو البنات عشان يتوضون ويصلووون ..,,
...............................
في بيت سلوى .....
سلوى لبست فستانها الذهبي ... فتحة الظهر مره رهيبه عليها .... القماش كان مزخرف من نفسه زخارف خفيفه بالوان متنوعه , معطيها نعومه خياليه ...
سلوى ...
مليانه شوووووي ....يعني جسمها رايق وحلو .. جاي مع طولها .... بشرتها بيضه وشفافه ..عشان كذا دايم خدودها حمرا .. بسرعه يبان عليه الفرح والزعل ,,,
عبير : يلا سلوى انزلي جاو ...
خذت عباة سلوى ولفتها ع يدها .. ونزلت وياها ..
سلوى ( قررت تعيش كل يوم بيومه .. وعارفه انه مراح يصير اللي كاتبه الله... مشت ونزلت من الدرج وهي تدعي ربها انه العادل يطلع طيب وحنون ويعوضها عن كل شي ..)
............................................
في مجلس الرجـــــــــال ...
الشيخ مسك كتاب العقد ... وكتب العقد ...
الشيخ : ماهي شروطك ياولدي ( يناظر ناصر ) ..
ناصر /: ابد ياشيخ ماعندنا طلبات ... بس الزواج لازم يتأخر شوي امي تو طالعه من حدادها ...
الشيخ : كم تبون يتأخر .. ؟
ناصر : شهرين كذا ...
الشيخ يناظر ابو عادل .. وكأنه يساله وش رايه بكلام ناصر ..
ابو عادل : لهم ماطلبو ياشيخ ... هم يفصلون وحنا نلبس ..
الشيخ .. اذن ع بركة الله ... بقى البنت توقع ع العقد ..
ناصر : اوكي ياشيخ .. تعال معي الله يجزيك خير ,,,
ناصر والشيخ مشو لغرفة داخل البيت .,,
ناصر : عن اذنك ياشيخ ....
ناصر راح لغرفة الجلوووس .. سلوى ..: يلا ياختي قومي جا الشيخ ..
سلوى حاسه برجفه .. ماهي طبيعيه .. هذا مصيرها وهذا قدرها ..
ام تركي : دقيقه سلوى ابلبس عباتي وبجي معاكـ ....
راحت سلوى ويا اخوها وراهم ام تركي وجلسو ...
ام تركي / السلام عليكم ياشيخ ..
الشيخ : وعليكم السلام يابنتي ..
الشيخ .. اين العروس ...
ناصر اشر ع اخته ...
الشيخ : ياسلوى بنت فالح بنت محمد الـ هل تقبلين بعادل الـ.......... زوجا لكـ
فان قبلتي فقولي نعم ...
سلوى : ماهي قادره تقولها ... تحس الكلمه ثقيله مره ...
الشيخ : ياسلوى بنت فالح بنت محمد الـ هل تقبلين بعادل الـ زوجا لكـ
فان قبلتي فقولي نعم ...
ناصر يناظر في اخته .. ( ليه وش فيها .. )
الشيخ : ياسلوى بنت فالح بنت محمد الـ هل تقبلين بعادل الـ زوجا لكـ
فان قبلتي فقولي نعم ...
سلوى وهي ماسكه يدينها الثنتين وتفركهم ببعض ..
سلوى : انا ياشيخ ..
ام تركي عصبت .. ( دزت سلوى بقوه قولي نعم يازفته .. ترا سامعه كلامك ويا اماني الزفته .. قولي نعم لاقلب الدنيا فوق تحت عليك )
سلوى : وكان منصب عليها مويه بارده ...قلبها قام يدق بقوه اسرع من قبل...
نعم
الشيخ : هل قلتي نعم يابنتي ..
سلوى :/ نعم ..
الشيخ عطى اخوها دفتر العقد عشان توقع عليه ,,,
خذت سلوى الكتاب من يد اخوها وايدها ترجف بقوهـ .. وقعت.. وحست دمعه من عينها نزلت غصبن عنها ...
قامو هي وام تركي وراحو ... داخل .. ام تركي تدفها يلا شيلي العبايه .. بندخل الصاله الكبيره وهناك اهل المعرس .....
دخلت سلوى ...للصالة اللي مجهزتها ام تركي حق الخطوبه ...
ناظرت وهي مب مصدقه ( وش هذا عرس والا خطوبه .. ماتم احد ماجا ... ماظل شي ماسوته هالام تركي .. لهذي الدرجة متونسه )
شافت امها بكرسيها المتحرك جالسه ودموعها ع خدها.... من الفرحه مسكينه ماتدري وش اللي بقلب بنتها
بدت زفة سلوى ...
سلوى واقفه ... ورجولها ماهي شايلتها ....
كلوووووووووووووووووووووووش
الف الصلاة والسلام عليك ياحبيب الله محمد ...
الف الصلاه والف السلام..
على النبي سيد الانام ..
صلو معانا ياكرام ...
سلوى تمشي وتناظر بالحظور ,, حاولت ترسم ابتسامه .. على وجهها ... تحاول تخفي مشاعر الالم اللي تحس فيها ...
لا اله الا الله
لا اله الا الله
ع النبي صلى الله الله
ع العروسه اسم الله ...
ياهلا بسلوى شيخة الزينات ...
ياهلا بالنور اللي اللي اقبل ...
لا اله الا الله
لا اله الا الله
ام عادل جات لعندها وضمتها .... الف مبروك يازوجة ولدي ...
النوري واقفه بفستانها .. وتتمايل .. ع اغنية الزفه ... وتناظر بزوجة اخوها ..
( الكلبه طالعه تجنن ... )
سلوى مشت لعند امها وباست يدها ...
وبعدين راحت للكوشه .. جلست ع كرسيها ....
تناظر في الحريم اللي حاظرين الخطوبه ...
ماتعرف منهم الا عبير وام حسام بس ...
( اوووف يام تركي من لقفك وقالك اعزمي كل ذيلو بالخطوبه .. اهـ لو ادري بكذا كان قلت لرنا واماني يجووون .. انا الغبيه توقعت بس هو واهله بيجون ... )
النوري .. جالسه تسولف ويا ام تركي ...
وام حسام
لانهم سبحان الله نفس الطينه .. يفهمون لبعض .,,
وام عادل تتكلم ويا اختها ام محمد ..
ام عادل : مالقت بنتك تروح البحر الا بخطوبه ولدي ..
ام محمد : مادرينا بتصير كبيره شوي .. توقعنا عاديه بس انتو واهل البنت ..
ام عادل : عوجت فمها .. ايه معليش صدقتكـ
النوري تطلع جوالها من شنطتها ...
شافت اربع مكالمات من اخوها ...
مشت وطلعت من هالمكان عشان تصير بمكان هادي شوي ..
( يؤؤؤؤؤؤ هالخبل دق وانا ماسمعت صوت النغمه .. وش يفكني من هذرته )
عادل : الووو
النوري / هلا
عادل : متى بدخل ....
النوري : تبي تدخل الحين ...
عادل : ايه ..
النوري خلاص اقول لهم وادق عليك ...
مين بيخش وياك ؟
عادل .: ابوي ....واخوها ..
النوري : واخوها بالله ليش يخش ؟
عادل : والله عاد هو قال بيزفني لاخته ....
النوري : اوووف
زين خلاص بخبر الحريم يتغطون .. وبعطيك رنه ,,,,
النوري مشت تتمخطر لعند ام تركي ..
النوري: ام تركي ...
ام تركي : هلا ...
النوري : اخوي يبي يدخل ...
ام تركي : اوكي خلاص ابي اكلم ابو تركي ويدخلونه ....
.........................
في مجلس الرجــــــــــــــال ....
ابوتركي : عادل يلا قوم ادخل ... عند الحريم .....
عادل : ابشر ..
عادل : يلا يبا قوووم ادخل وياي ..........
فيصل : الله يهنيك يالدب .. ( يغمزله)
عادل : نصحناك وماسمعت ...
فيصل :/ ياشيخ فكنا
ابو عادل وعادل وابو تركي توجهو .. للمكان اللي فيه الحريم ...
...............................
النوري .. تروح للبنت اللي عندها الدي جي ..
لو سمحتي جهزي زفة اخوي ....
...
سلوى قلبها قام يدق بقوهـ انبتهت ان الحريم تغطو وسمعت صوت اغنية الزفه ,,,
( ياااارب كون معي ياااااااااااااااااااارب )
عيونها مركزه ع الارض ....
عادل كاشخ وطالع جنان .... وابوه بجنبه اليمين
وناصر بجنبه اليسار ..
عادل داخل بثقه .. والابتسامه شاقة حلقه ....
عيونه مشتته شوي لاخته واشوي لامه واشوي للضيوف ..
وكأنه ماوده يناظر سلوى لانها ع قولة اخته شينه وماتستاهل هالنظره
الجمعة أغسطس 09, 2024 11:00 pm من طرف ملاك الطيف
» "حمــال أفقه منك يا حســن
الجمعة أغسطس 09, 2024 10:54 pm من طرف ملاك الطيف
» المسلسلات لا تمثل قيما الدينة
الجمعة أغسطس 09, 2024 10:46 pm من طرف ملاك الطيف
» فتفقدوا أحبابكم.
الجمعة أغسطس 09, 2024 10:20 pm من طرف ملاك الطيف
» اتركوا المنتدى حالا
الأربعاء يوليو 17, 2024 5:06 pm من طرف ملاك الطيف
» اب يرسل ابنته للدعارة !!!
الثلاثاء يوليو 16, 2024 2:57 pm من طرف ملاك الطيف
» | صلـــة الرحـم |
الثلاثاء يوليو 16, 2024 12:48 am من طرف ملاك الطيف
» ما سبب ارتفاع نسب الطلاق
الثلاثاء يوليو 16, 2024 12:40 am من طرف ملاك الطيف
» لســت مجبـــراً أن أفهــم الآخريــن مـن أنـــا..
الثلاثاء يوليو 16, 2024 12:33 am من طرف ملاك الطيف